Аялал жуулчлалын салбарын хувьд хүнд хэцүү жил байсан ч inCruises нь өөрийн тогтвортой өсөлтөөрөө цаашдын гайхамшигт ирээдүй рүү урагшлах байр сууриа олж авсан юм.
Үүсгэн байгуулагдсан:
2015
Төв Оффис:
Пуэрто Рико Улс
Удирдлага:
Франк Кодина, Гүйцэтгэх Захирал Үүсгэн байгуулагч
Майкл Хачисон, Ерөнхий Захирал Үүсгэн байгуулагч
Бүтээгдхүүн:
Далайн Круиз Аялалын Гишүүнчлэл
Дэлхийгээр аялах нь бараг бүх хүний хүслийн жагсаалтад ордог ч, харамсалтай нь цөөхөн хэдхэн гэр бүлүүд л аялалын чамин чемоданаа авч, сайхан газар руу явдаг. Харин энэ байдлыг Франк Кодина, Майкл Хачисон нар өөрчлөхөөр шийдэж далайн аялалд хувьсгал гарган дэлхийн өнцөг булан бүрт байгаа бүх хүмүүст аялах боломжийг өгсөн юм. Аялал жуулчлалын салбарын хувьд хүнд хэцүү жил байсан ч inCruises нь өөрийн тогтвортой өсөлтөөрөө цаашдын гайхамшигт ирээдүй рүү урагшлах байр сууриа олж авсан юм.
Хувь заяаны Компани
Хамтран үүсгэн байгуулагч нар болох Франк Кодина болон Майкл Хачисон нар шууд борлуулалтын салбарт аялал жуулчлалын компани байгуулах тухай анхныхаа яриаг хийж байх үедээ хоорондоо ялгаатай ч харилцан бие биенээ нөхөн ажиллах чадвартай хүмүүс гэдгээ мэдсэн. Энэ салбарын 30 гаран жилийн туршлагатай ахмад дайчин Кодинагийн өмнө өөрийн хүсэн хүлээлтээ ч төсөөлж чадахааргүй энэ бизнесийг эхлүүлэх мөч гарч ирсэн. Харин Хачисон ажлынхаа эхэн үед, Тони Роббинстай хамтран ажиллаж байхдаа, дараа нь зөвлөх, зохиолчоор ажиллаж байхдаа ч манлайллыг хөгжүүлэхэд ихээхэн анхаарч байлаа. Хоёр эр олон жилийн турш бие биенээ сайн мэддэг байсан бөгөөд 2015 оноос хамтран ажиллах болсон юм.
Кодина “Далайн круиз аялал бол миний болон эхнэр, хүүхдүүдийн маань хүсэл тэмүүлэл байсан. Бид бүгд далайн аялалаар явах дуртай, тэгэхээр далайн аялалын салбарт хувьсгал гаргая, ямар нэг шинэлэг зүйл хийе гэж бодсон. Бид гишүүнчлэлийн загварын талаар бодож, надад хүчтэй хамтрагч хэрэгтэй болж байгааг ойлгосон. Би бүх зүйлийг хийж чадахгүй учраас харилцаа холбоо, маркетингийн ажилд үнэхээр сайн хүн хэрэгтэй байв. Би санхүүгийн хэсэг, техникийн хэсгийн ажлыг бас хийж чадахгүй, бас хэвлэлийн төлөөлөгч болж ч чадахгүй байсан” гэж дурсан ярьдаг.
Санамсаргүй тохиолдлоор Хачисон дөнгөж хилийн чанд дах аялалын технологийн компаниас аялалын салбарт хүч үзэхээр ирсэн байв.
“Франк бид хоёр дундаж амьдралтай хүмүүс аялалд явж чаддаггүй, олон хүмүүс аялал хийгээд өрөнд ордог энэ асуудлыг шийдэх талаар санаа нэгтэй байдаг нь биднийг нэгтгэж өгсөн юм” гэж тэр бас дурсан ярьдаг.
Тэд анхнаасаа л өөрсдийнх энэ санаа “Хувь заяаны компани” болно гэдэгт итгэж, дэлхийн өнцөг булан бүрийн хүмүүст үйлчилдэг далайн аялал жуулчлалын гишүүнчлэлийн хөтөлбөр бүхий inCruises-ийг мөрөөдөж байсан. Тус компани нь албан ёсоор 2016 оны 1 сард байгуулагдсан бөгөөд гишүүнчлэлийн сар бүрийн төлдөг 100 долларыг 200 Круиз Кредит болон хувиргадаг юм. Гишүүд энэ Круиз Кредитийг inCruises системээр дамжуулан тусгай үнийн санал бүхий дэлхийн 5000 гаруй далайн аялалын маршрут руу нэвтрэн орж хэрэглэх боломжтой болсон юм. InCruises-ийн баг бараг 100,000 гаруй “Түнш” нартай бөгөөд энэ хүмүүс Компанийн бие даасан Түншийн хөтөлбөрт хамрагдаж, шинэ гишүүдийг урих зэрэг бусад олон аргуудаар төрөл бүрийн бонус шагнал урамшуулал, орлогуудыг авдаг юм.
inCruises өнөөдөр 160 гаруй оронд үйл ажиллагаагаа эрхэлж, 773,000 гаруй гишүүдэд үйлчилдэг бөгөөд энэ бүхнийг манай 67 ажилтан албан хаагч нар гүйцэтгэдэг болно. inCruises нь 171,000 гаруй зорчигчдод мөрөөдлийн амралт аялалын захиалгаа хийхэд нь тусалсан. Нийт зорчигчдын 90 гаруй хувь нь анх удаагаа далайн хөлөг онгоцоор аялж байгаа нь бид энэ төрлийн аялалыг хямд хөсөр байлгахад анхаарч байгааг харуулж, энэ бүхэн бидний хувьд сэтгэл хөдлөм тоон үзүүлэлт болсон юм. 2019 оны эцсээр тус компаний жилийн орлого 100 сая долларт хүрсэн бөгөөд 2020 онд үүнээс ч илүү сэтгэл хөдөлгөм амжилтанд хүрчээ.
Бэрхшээлийн дунд цэцэглэн хөгжсөн нь
Дэлхийн далайн аялалын салбар нь COVID-19 цар тахлаас үүдэн санхүүгийн болон олон нийттэй харилцах харьцааны чухал асуудлуудыг даван туулах шаардлагатай болсон. inCruises өнгөрсөн онд 10 хувиар өссөн нь 2020 онд зөвхөн эерэг өсөлттэй аялал жуулчлалын компаниудын нэг байсан байж болох юм.
Хачисон “Цартахлын тахлын үед иргэний агаарын тээврийн компаниуд, зочид буудлууд, далайн аяллууд бүгд хэрэглэгчдэд буцаан олголт өгөхгүй байхаар шийдсэн, тэд энэ орлогоос зуурч хадгалахыг хүссэн. Харин бид үүний эсрэгээр үйлчлүүлэгчдийнхээ мөнгийг зуун хувь бэлэн мөнгөөр буцаан олголт хийсэн. Бид бусадтай адил ирээдүйн аялах кредит эсвэл аялалын эрхийн ваучер бичиг өгөөгүй. Бид хүмүүст тэднийг халамжилдаг шүү гэдэг мэдрэмжийг өгсөн юм.”
Хэрэглэгчдэд мөнгийг нь буцаан олгосон нь inCruises-ийн хүнд хэцүү энэ үед авсан хариу арга хэмжээний зөвхөн нэг хэсэг байв. Кодина, Хатчисон нар аяллын компаниуд руу төлбөрүүдийг урьдчилж шилжүүлж, Круиз Кредитийн талаар тохиролцож, далайн аялалын компаниудад туслах шинэ аргуудыг хайж байв.
Кодина “Бид дэлхийн өнцөг булан бүрт ажилладаг банк санхүүгийн байгуулгууд, төлбөр тооцооны бүх л Түншүүдтэйгээ уулзсан. Тэд бүгдээрээ л энэ шуургыг бид хэрхэн даван туулах талаар мэдэхийг хүсч байв. Бид үүнийг даван туулах нь анхнаасаа л тодорхой байсан. Бид амжилтанд хүрэхийн тулд бүгдийг бэлтгэсэн. Манай загварчлал маш уян хатан, зардал маш бага, бид өргүй. Тиймээс бид хол явах боломжтой юм.”.
Амьдралынхаа турш манлайлал, өөдрөг сэтгэлгээг харуулан явдагийн хувьд Хачисон inCruises-ийн багт маш олон янзаар үйлчилж чадна гэдгээ мэдэж байсан.
Тэр “Би SOS Хэцүү үед хэрхэн тэсэж үлдэх вэ? гэсэн цахим ном бичээд багийнхандаа тараасан. Тэдэнд олон нийтийн мэдээллийн хэрэгслээр ишлэлүүдийг хуваалцаарай гэж санал болгосон. Тэд ч үүнийг хийсэн бөгөөд бусдад хэрхэн туслахыг хүсч байгаагаа, авсанаа буцааж өгөхийг хичээж байгаа талаар яриа өрнүүлж байсан. Тэр номыг бичихээр шийдсэн нь манлайллыг хөгжүүлэх тал дээр бид маш их хүчин чармайлт гаргах хэрэгтэйг гэж бодсоных юм. Бид сургалтынхаа тоог гурав дахин нэмэгдүүлж, өөрсдийн чадах бүх зүйлийг хийсэн.”
InCruises-ийн Манлайллын Академи нь 2020 оноос өмнө компанийн багийн сургалтын хөтөлбөрийн салшгүй нэгэн хэсэг байсан бол харин өнгөрсөн жилээс нэлээд өргөжсөн. Академи нь одоогоор 17 орны хэл дээр сургалт явуулдаг бөгөөд өдөрт дунджаар мянга гаруй төгсөлт явагдаж байна. Манлайлах чадварыг хөгжүүлэхэд чиглэсэн энэхүү санаачилга нь үүсгэн байгуулагчдын хувьд үргэлж чухал ач холбогдолтой байсан ба ялангуяа Хачисоны онцгой хүсэл мөрөөдөл байсан юм.
Хачисон “Бид дэлхийн хамгийн том захиалга бүхий круиз аялалын гишүүнчлэлийн клуб болсондоо маш их талархаж байна. Гэхдээ бидний алсын харааны гол цөм бол манлайллыг хөгжүүлэх компани гэсэн үзлийг үргэлж баримталдаг юм. Миний бүх ажил хүчин зүтгэл бусад хүмүүсийг өсч дэвжих, сайжрах, туршлагажих, илүү сайн болоход нь тусалж ирсэн. Гаднах төрхөөрөө бид бол далайн аялал жуулчлалын гишүүнчлэлийн клуб, гэхдээ бид үүнээс том гэдгээ мэддэг”.
Дараагийн боомт хүрэх дуудлага
Круиз аялалаар дахин дахин аялахыг хүсэгч Гишүүд, дэмжлэг туслалцаа авдаг Түнш нар, эргэн өндийж буй энэ салбар, inCruises-ийн бид тэнгэрийн хаяанаас цааш юу хүлээж байгаа талаар туйлын өөдрөг бодолтой байдаг.
Хачисон “2021 онд 20 ширхэг шинэ хөлөг онгоц далайд гарна. Хөлөг бүр круиз компаниудын хувьд 950 сая долларын өртөгтэй босч байгаа юм. Би хүн бүрийг энэ 2021 онд 20 тэрбум долларын борлуулалтанд оролцож өрсөлдөөсэй гэж уриалж байна.”
Цаашид компани бусад аялал жуулчлалын салбарт, тэр ч байтугай олон улсын зах зээл дээр өргөжиж, нэг тэрбум долларын орлого олохоор төлөвлөж, түүхэн өв үлдээх компаний тоонд орохоор зорилт тавин ажиллаж байна.
Кодина, Хачисон нар далайд мөн өөр төрлийн хөлөг онгоцнууд гарч байгаад маш их баяртай байгаа. Энэ бол дэлхийн өнцөг булан бүрт эмнэлгийн хөлөг онгоц илгээж хүмүүнлэгийн тусламж, аврах мэс засал, эрүүл мэндийн чиглэлээр үйл ажиллагаа явуулдаг олон улсын байгууллага болох Mercy Ships-тэй хамтран ажиллах болсон явдал юм.
Кодина “Манай энэ түншлэл бол манай гишүүдтэй үнэхээр нийцэх, олсоноосоо бусадтай хуваалцах арга зам учраас би энэ түншлэлд үнэхээр их баяртай байдаг. Манай гишүүд далайн аялалд үнэхээр дуртай, хэрэв круиз хөлөгүүд, далайн аялалууд яг ийм гайхамшигт зорилгоор ашиглагдаж байгаа нь бидний сэтгэлийг маш их баярлуулдаг юм. Манай түнш нар бидэнтэй нэгдэж байна. Иймээс бидний өгч буй хандивын хэмжээ нэмэгдэх болно. Бид эхлээд манлайлал үзүүлдэг юм.
Хэдийгээр 2020 он inCruises-ийн тэсрэлт бүхий өсөлтийг түр зогсоосон ч, манай компани болон манай удирдлагууд 2021 оноос цаашхи боломжуудыг харж урьд урьдынхаас илүү их баяр хөөртэй байна. Кодина, Хачисон нар өнгөрсөн жилийг хамтдаа босгосон зүйлийнхээ тэнхээг сорьсон туршилтын үе гэж хардаг. Тэд inCruises бол аялалын салбарыг үүрд мөнхөд өөдрөгөөр өөрчлөх, үргэлжлүүлэх зорилгоор бүтээгдсэн “хувь заяаны компани” гэдгийн баталгааг харж байгаадаа маш их баяртай байдаг.
